|
Résumé :
|
រឿងនិទានអាថ៌កំបាំង តែងតែផុសឡើងនៅក្នុងសុបិនខ្ញុំ រាល់យប់មិនឃ្លៀងឃ្លាត។ យប់សែនស្ងាត់បាត់អស់ពន្លឺដួងតារា មានតែអង្គព្រះចន្ទ្រាដែលជះរស្មីមកព្រឹមៗកំដរបរិយាកាសជុំ វិញវិមានសម័យបារាំងមួយខ្នងដែលកំពុងតាំងទឹកណ្ដោចកណ្តែងតែឯងឡោមទៅដោយដើមផ្កាចម្ប៉ារាប់រយដើមចោល ក្លិនសែនក្រអូបពេញផ្ទៃវិមាន។ វត្តមានបុរសក្នុងសម្លៀកបំពាក់បុរាណសម័យបារាំង តែងឈរកាន់ចង្កៀងកែវដែលចោលពន្លឺផ្លុងៗមើលមកខ្ញុំនៅ កំពង់ទឹកកៀនវិមានយ៉ាងគួរឱ្យខ្លាច។ គ្រប់យ៉ាងវាមិនមែនជារឿងចៃដន្យ តែវាជាប្រស្នាត្រូវឱ្យខ្ញុំស្វែងរករឿងរ៉ាវការពិតលាក់ ទុកនៅក្នុងវិមានដ៏ព្រឺព្រួចមួយនេះ ជាពិសេស គឺពង្សាវតា នៃមនុស្សទាំងពួង ដែលរមែងបង្ហាញខ្លួនឡើងនៅក្នុងសុបិនរបស់ខ្ញុំ យ៉ាងចម្លែក រហូតដល់ខ្ញុំគិតថា វាមិនមែនជារឿងធម្មតានោះ ឡើយ ព្រោះឱ្យតែរាត្រីកាលឈានមកដល់ វិមានផ្កាចម្ប៉ាមួយ ខ្នងនេះ វាក៏នឹងបង្ហាញរឿងហេតុចម្លែកៗមកលងបន្លាចខ្ញុំមិន លស់ពេល ហាក់បីចង់គាស់កកាយអាថ៌កំបាំងដែលកប់ទុកទៅ យ៉ាងយូរមកដូច្នោះដែរ។
|
